影片
更多
2014-04-13
3591 浏览
若果经过中环至半山自动扶手电梯,都会留意到士丹顿街斑马线侧边有间红色外墙酒吧及餐厅,十分容易辨认,开放式外观,向住自动扶手电梯一边系打开窗,路人可以望到店内情况,而坐o系酒吧餐厅内食客又可以望出去乘搭扶手电梯上山o既人,感觉几特别,呢间餐厅专做英国菜,听讲系英国人开办早前见到网站有团购优惠,精致英式汉堡套餐包括英式正宗汉堡,薯条及汽水,当中特别之处系任食薯条及任饮汽水,以前经过见到呢间酒吧餐厅,都有兴趣日后入内一试,若果以酒吧消费黎讲,今次价钱又几实惠,所以我就买左团购 coupon,我都明白团购优惠有较多限制,见到酒吧餐厅分左下午茶时段 (2:30pm-5:30pm) $48, 午市 (11am-2pm) $58 及晚市 (6pm-11pm) $68 三个价钱,套餐o既野系一模一样,我就选左星期六或星期日下午茶时段食汉堡包薯条啦去 Yorkshire Pudding 系要同侍应讲英文,虽然佢地叫大家电话预约,为免大家语言不通,引起误会约错时间,留错名又或者留错电话号码冇得食,我就揾日放工专程去预约,咁就最稳阵! 星期六或星期日呢o的好多人唔洗返工返学时间一定多人预约,所以我系唔能够选
早前见到网站有团购优惠,精致英式汉堡套餐包括英式正宗汉堡,薯条及汽水,当中特别之处系任食薯条及任饮汽水,以前经过见到呢间酒吧餐厅,都有兴趣日后入内一试,若果以酒吧消费黎讲,今次价钱又几实惠,所以我就买左团购 coupon,我都明白团购优惠有较多限制,见到酒吧餐厅分左下午茶时段 (2:30pm-5:30pm) $48, 午市 (11am-2pm) $58 及晚市 (6pm-11pm) $68 三个价钱,套餐o既野系一模一样,我就选左星期六或星期日下午茶时段食汉堡包薯条啦
去 Yorkshire Pudding 系要同侍应讲英文,虽然佢地叫大家电话预约,为免大家语言不通,引起误会约错时间,留错名又或者留错电话号码冇得食,我就揾日放工专程去预约,咁就最稳阵! 星期六或星期日呢o的好多人唔洗返工返学时间一定多人预约,所以我系唔能够选到心仪时间,冇得o系之后几日食,唯有约定之后一个星期六o既 2:30pm时段啦!
星期六当日下午黎到酒吧餐厅,我系比预约时间早少少到达,通知侍应后就安排我坐o系 bar 枱前座位,之后陆续见到其他享用团购优惠o既客人,佢地都系被安排bar 枱前面座位
呢个套餐只系需要大家选择饮边款汽水,我要左可乐,隔左一阵就见到店员用支枪喷o的汽水落啤酒杯,估唔到杯汽水咁大杯,好似仲大杯过麦当劳大汽水添,唔知平时黎酒吧饮汽水系唔系咁大杯呢? 估唔到呢杯可乐加左一旧柠檬,令人欣慰! 话明系汽水任饮,咁大杯汽水我实饮得晒,只系谂紧有冇需要再添加
侍应拎黎一支茄汁及一支 HP Sauce, HP Sauce 以前冇用过,当日只系试左落少少,系一款用作咸点o既调味酱汁,呢o的酱料系要几个团购客人一齐用架,所以大家要借黎借去,有o的麻烦
佢地出餐时间系比较慢,整一份三件细汉堡包及薯条,大约需要15分钟,呢段等候时间我就饮下汽水,听下酒吧餐厅播放英文歌,睇下电视球赛啦!
三个细汉堡包及薯条一齐奉上,三个包分别有水牛城香辣火鸡汉堡,厚切牛柳汉堡及脆炸鱼柳汉堡
薯条黎到热辣辣,比较幼身,炸得好脆,呈啡黄色,另外有少少㶶味,食第一杯薯条时觉得味道唔错,但之后添加o个两次味道好普通
水牛城香辣火鸡汉堡内有块生菜,o的火鸡肉几鞋,有辣度
厚切牛柳汉堡配有一块生菜及一片蕃茄,o的牛肉几厚,食落有筋
脆炸鱼柳汉堡系三个包之中最好食,炸鱼柳都算嫩滑,底下配有一块生菜
身处红色外墙o既 Yorkshire Pudding 食野饮汽水,好似有种置身英国酒吧o既感觉
本人几钟意有个大金鱼缸o既设计,可以令食客睇到o的鱼悠闲地游来游去,亦可以令人有较大空间感,其实金鱼缸后面系洗手间及洗手盘
或者外籍侍应唔太钟意招呼本地人及团购客人,觉得佢地比较冷淡,当日天气较冻,又下著毛毛细雨,见到侍应要开收银机旁边o既电暖炉
黎食呢个团购餐o既客人有男有女,估唔到女食客都系大胃王,唔系见好就收,香港好多女性都讲求健康,少饮高糖份汽水,但估唔到当日见到多位女食客都至少饮左三大杯汽水,又至少添加两次薯条
其实我唔太觉得当日食物十分好食,就算有得添加汽水及薯条,我只系添加一次汽水及两次薯条,虽然酒吧餐厅冇讲明大家要几时埋单走人,我坐左超过一个半小时,觉得系时间埋单走人,俾左加一服务费$5就离开
至于其他团购客人好似有种赖死唔走o既感觉,低头望住电话上网,食下薯条,饮下汽水,唔够又再添加,我离开时佢地都冇意欲离开,或者佢地想o系 Yorkshire Pudding 渡过整个下午
呢份精致英式汉堡下午茶套餐食物味道一般,但系都算抵食,$53就可以o系苏豪区任食薯条及任饮汽水,平时酒吧最低消费都要几十蚊叫小食或饮品,日后若果再有团购优惠都会再黎试下
张贴
