滾喜火鍋專門店 (已結業)

星期六约左一班朋友，一齐去滚喜食鸡煲打边炉。滚喜鸡煲有2种。一种系芝士鸡煲，另一种系麻辣鸡煲。我会建议先食麻辣鸡煲，因为会无甘易食到滞。麻辣香同刺激会更令自己开胃。鸡件可选10件20件或30件，自己可以因肚仔食量而定。基本麻辣鸡煲好入味，无咩好弹。重点更系芝士鸡煲。三重芝士已经够噱头。芝士溶左阵阵香味，口感更丰富。睇见一条条拉丝真系落足料。芝士鸡真系一绝，即使唔打边炉既，食鸡都够回本。至于打边炉方面，可加少少钱转安格斯牛。牛味的确较浓。火锅料黎得好足，基本上平时食开既牛猪羊鸡都有。想健康d可以叫d菜类。饮料方面更有竹庶茅根，足够下火啦。