OPPA韓國燒肉店 (已結業)

成日食饭时间行过呢头都见到呢间韩烧同隔离间涮涮锅坐满人，呢日难得收早见无人就趁机试下平日$238就已经有任食，有多个牛部位选择，当中仲包和牛添每个位都有抽气管，唔怕整到成身油烟味，值得一赞系舖面干净企理，唔似有啲韩烧店会笠痴痴同好焗。泡菜够辣够香口，芽菜新鲜爽甜，好开胃。一坐低店员送上和牛拼盘，除肩胛、三角腩同下腹腩外其他都可以无限追加，呢度既牛款款肉味都好浓郁个人最中意食肩胛、牛柳粒、封门柳同牛排骨，淋身得黎又有咬口，油份唔会太重太腻。岩盐、蒜头、辣酱、烧肉汁四款酱料自由蘸点，但肉类本身已经腌得好够味唔好牛既都大把选择，有猪有鸡，有多春鱼、八爪鱼等海鲜，全部都新鲜高质，唔会俾啲唔靓既位置。特别鸡肉，完全无肥膏，肉质鲜嫩优惠价加配既酱油虾，一路烧一路闻到好香酱油味，虾身大只，虾头仲好多膏好鲜味炉既设计好人性化，斜放令多余油份自然流走，烧起黎都无咁有罪恶感。仲有炉边蛋，加左泡菜、芝士同海带，爽脆得黎好香口。必加既芝士烧！！！倒喺侧边三角位置，等芝士溶左就可以蘸黎食。卡邦尼酱既甜奶香同芝士既咸香配埋肉食无得输，芝士控必试食够烧肉仲有不同熟食可以嗌，泡菜煎饼、韩式石锅饭、炸鸡都有，认真抵食。