七福神和食亭

营业中

休息中

七福神讲真唔系第一次食，但被朋友问起， 原来我冇写过一篇食评关于呢间餐厅，谂起都有啲唔好意思，今日专登补番。寿司方面叫左蟹子寿司，三文鱼腩寿司，因为佢寿司系两件上，所以价钱相当抵，个特长三文鱼腩寿司都系24蚊， 虽然唔厚肉，但长度搭够，份量ok小食方面叫左咗酥炸鱿鱼须，芥辣八爪鱼。 八爪鱼炸得有啲over，好太热气呀。 芥辣八爪鱼嘅份量有大约有四个军舰， 好抵食另外根据推介叫咗，蟹肉味噌甲罗烧， 芝士烧天妇罗蟹脚卷。 甲罗烧系比较特别嘅菜式，可以将饭团包紫菜沾来食， 如果净系可以推介一味𩠌嘅话我会建议大家试呢个。芝士烧天妇罗蟹脚卷 都好食但系觉得有啲“漏”串烧叫咗两样最爱，厚烧牛舌同埋鸡翼， 鸡翼味道来略淡，但整体唔错，大份抵食。朋友最爱呢度嘅泡菜海鲜汤，野味又有菜食，底仲有啲薯粉， 海鲜有虾，蚬，带子及 青口甜品以菠萝雪芭做总结完满嘅一餐。呢间嘅食品价钱好抵食， 食物多元化又好食 ，menu都有三，四张， 睇到有啲眼乱。