譚仔雲南米線 (馬鞍山廣場)

营业中

休息中

要买𩠌煮饭，但有少少肚饿，有一间新店称今日下午正式开张，但又未对外开放，又唔想行，所以一支箭冲入谭仔，其实我一生人系第四次帮衬谭仔或三哥嘅米线，其实我唔系好食米线，对呢类食物好反感，更加唔好话土匪鸡翼啦，更加唔会食物，点了牛肉米线加竹笙($36)3少辣(即餐牌上1只辣椒)，再加一份蒜泥白肉(细份，$24)。碗畜牲(我好钟意食竹笙，因为同音，所以成日都叫竹笙做畜牲)牛肉米线都算大碗，碗内仲有芽菜、腐皮同韭菜，先饮啖汤，是有辣味的，牛肉几淋，再食畜牲，本身畜牲无味，要吸满汤才食到有味道，最奇怪的事，我其实好喜欢食硬身粗幼油面、米粉，但偏偏不喜欢太硬身及过淋米线，幸好今次硬度适中，所以无需要「惊青」！蒜泥白肉，先试蒜泥，哗，辣到刺鼻，争啲标眼水，人就这样犯贱，越系刺鼻就越想食，配上白肉一齐食是不错的，之后返到屋企卡卡酱问食过甚么？个口好大阵蒜味，所以偷食要抹嘴，最好嗽埋口。