影片
更多
2022-04-28
594 浏览
标榜「寻觅99分海南鸡饭」，好明显佢未寻觅到🫠 因为突然想食海南鸡饭，所以就去咗好就脚嘅又一城。无服务其实就预咗㗎啦，但系落单个QR code又真系load极都load唔到，唯有请人帮手落单，个侍应居然喺手上无其他嘢做紧嘅情况下，隔住一张枱都唔行过嚟，要知道今时今日戴住个口罩加上咁嘅距离，其实真系要嗌先会听得到🙄食物好快就送上，几乎系三分钟内嘅事，想食快饭嘅话系好事嚟嘅。望落去好似还可以？食几嚿又再望真啲先⋯哈啰鸡毛～ 当场想呕返出嚟🤢其实清干净啲鸡毛好难咩？呢个状态连好几年无食过嘅M✖️都不如。不过咁，佢鸡肉系真滑嘅，抵唔抵消到啲鸡毛呢？（我就唔得喇）最后食剩半碟左右⋯话明海南鸡饭，个饭当然都好紧要。食落油香味都唔错嘅，又食多几啖再睇真啲⋯佢无呃我啊，油饭真系好～多油㗎🙂 多到聚咗一层油喺底𠻹～ 食到呢度，当然就收晒手啦。仲有杯无影嘅冻拉茶，叫咗少甜都甜到剩系可以饮面𠮶浸，又系剩系大半杯。唯一队晒嘅系碗正正常常嘅汤。总结：「我寻觅咗个2️⃣9️⃣分嘅海南鸡饭」
因为突然想食海南鸡饭，所以就去咗好就脚嘅又一城。
无服务其实就预咗㗎啦，但系落单个QR code又真系load极都load唔到，唯有请人帮手落单，个侍应居然喺手上无其他嘢做紧嘅情况下，隔住一张枱都唔行过嚟，要知道今时今日戴住个口罩加上咁嘅距离，其实真系要嗌先会听得到🙄
食物好快就送上，几乎系三分钟内嘅事，想食快饭嘅话系好事嚟嘅。
望落去好似还可以？食几嚿又再望真啲先⋯
哈啰鸡毛～ 当场想呕返出嚟🤢
其实清干净啲鸡毛好难咩？呢个状态连好几年无食过嘅M✖️都不如。不过咁，佢鸡肉系真滑嘅，抵唔抵消到啲鸡毛呢？（我就唔得喇）最后食剩半碟左右⋯
话明海南鸡饭，个饭当然都好紧要。食落油香味都唔错嘅，又食多几啖再睇真啲⋯
佢无呃我啊，油饭真系好～多油㗎🙂 多到聚咗一层油喺底𠻹～ 食到呢度，当然就收晒手啦。仲有杯无影嘅冻拉茶，叫咗少甜都甜到剩系可以饮面𠮶浸，又系剩系大半杯。
唯一队晒嘅系碗正正常常嘅汤。
总结：「我寻觅咗个2️⃣9️⃣分嘅海南鸡饭」
张贴
