PHO 24 (已結業)

今日行开沙田见到有一间越南餐厅叫Pho24....，先前听朋友讲大约半年前已经想黎试，不过因为o系google map见到Pho24身处不知名位置，所以一直提不起劲前来。今晚有人带住，我呢个路痴都不用怕=D其实我之前未黎过沙田呢头，黎到发现呢度原来有好多好野食，睇黎真系一个卧虎藏龙既地方.....!行左一阵终于见到Pho24，二人叫了生牛肉汤粉、蒜蓉油默菜、香茅猪扒冻檬同埋牛仔骨，其实我都唔知食咩，见到个餐牌X酒牛仔骨.....我都唔知系啲咩味，不过一咬开就渗出阵阵酒香既味道，热力亦都十足，我觉得好好食! 同埋我o系第度未食过呢味菜，所以我推荐大家试下... 蒜蓉炒油默菜：呢个需然普通，但系....好似系好够镬气咁.....蒜蓉味好香....得 香茅猪扒冻檬：好大碗!! D猪肉甜甜地，唔靭，有香茅味，几好 生牛肉汤粉：呢个真系要赞! 个汤底超香，好好味~试完就知.....肯定不是味精汤， 因为怕河粉肥所以选择了金边粉，金边粉索晒汤既精华，即使佢都(金边粉)几窄，但咬到入面都依然有牛骨汤的味道，令人回味。唯一美中不足系上菜时间太耐...大部份牛肉已经俾D汤浸熟左，但系d牛一d都鞋口...