李家 (已搬遷) 新店位置

今日尖沙咀放工，谂住黎个happy saturday，梗系要揾d 好野食啦！ 就去左呢间李家，之前都想去好耐架喇，但次次都好多人排队，我地今日早去，前面都已经有4, 5个人排紧。等左15 至20 分钟左右，就入得去喇！ 入到去就有前菜放左系枱面，系一碟菜丝沙律同一碟白萝卜。咁我地就叫左碟炸鸡啦，系双并既，只有甜辣炸鸡同原味炸鸡系可以双并，其他唔得。另外都叫左螺肉冷面同一杯啤酒。个炸鸡都几辣几好食既，就算甜辣果个有d 汁佢都系脆既。 如果真系觉得好辣就可以食下d 菜丝沙律同白萝卜解解辣。之后黎果个螺肉冷面就麻麻地喇，佢d 汁就酸酸辣辣咁，个味道我就麻麻地中意 ，个面淋淋地，将d 汁捞落个面到食都几开胃既，开头唔知要捞几多汁先得，所以捞左好少觉得好淡，后尾加返多d 先觉得有d 味。但佢d 螺肉就几多既。得闲同朋友黎食下炸鸡啤酒倾下计都几好既，不过因为成日都好多人等，如果两个人既过通常都要搭枱，会迫迫地。下次如果唔使等位都会再食。