影片
更多
2017-07-21
959 浏览
连续几日落失魂雨,已经习惯几时落雨就入最近嘅餐厅,今日嘅幸运儿就系绿岛.或者落大雨多人嚟避雨顺便食饭嘅关系,人手严重不足.想点餐但系侍应根本应接不暇,应咗我都分唔到身行过嚟.好不容易点咗个咖哩牛脷饭,都预咗要等耐啲㗎啦,点知出菜出奇地快,个饭由落单起计两分钟内放喺我面前.切成条状嘅牛脷,加埋份量唔多.其实可以煮耐少少,依家食落有啲靭,虽然勉强可以接受.洋葱要溶溶烂烂先至入到味,呢度做唔到呢个效果.而且成个咖哩只有牛脷同埋洋葱,冇其他青椒红椒之类嘅配菜,食落味道好寡,只系得唔辣嘅咖哩味.餐汤唔知点解仲等得耐过饭,越等得耐就越期待,因为今日系沙参玉竹汤.碗汤饮落真系几甜,但如果话佢系沙参玉竹汤,又觉得沙参玉竹嘅味道唔够重.汤系好饮嘅,唔敢话冇味精,更唔敢话系沙参玉竹汤.合埋眼,当佢系一碗好味嘅汤就算喇.
焗牛脷饭
65 浏览
0 赞好
0 留言
切成条状嘅牛脷,加埋份量唔多.其实可以煮耐少少,依家食落有啲靭,虽然勉强可以接受.洋葱要溶溶烂烂先至入到味,呢度做唔到呢个效果.而且成个咖哩只有牛脷同埋洋葱,冇其他青椒红椒之类嘅配菜,食落味道好寡,只系得唔辣嘅咖哩味.
沙参玉竹汤
36 浏览
0 赞好
0 留言
餐汤唔知点解仲等得耐过饭,越等得耐就越期待,因为今日系沙参玉竹汤.碗汤饮落真系几甜,但如果话佢系沙参玉竹汤,又觉得沙参玉竹嘅味道唔够重.汤系好饮嘅,唔敢话冇味精,更唔敢话系沙参玉竹汤.合埋眼,当佢系一碗好味嘅汤就算喇.
张贴
