望月樓

营业中

休息中

有朋友喺呢间新嘅望月楼饮茶上载啲相， 见到咁特别嘅装修有啲吸引， 于是约埋朋友试新嘢， 门面都几吸引， 坐低点咗龙井茶， 茶具都几精致， 但系龙井茶味淡，色老， 叫咗海皇百花蟹钳饺， 麻辣小笼包 苹果叉烧酥， 蒜泥白肉， 最惊喜有上汤煎粉果， 满有期望💕 一笼一个嘅 蟹钳饺， 畀我嘅感觉就好似虾饺 加咗一个钳， 苹果叉烧酥令我想起麦当劳个苹果批🙄， 蒜泥白肉不过不失， 上汤煎粉果系令我最失望， 好记得以前旧式酒楼嘅上汤煎粉果， 粉果 点落上汤 有好香火腿老鸡汤味， 而且煎粉果嘅皮薄而脆， 永远食一只都唔够喉😋 但系呢一只煎粉果除咗皮厚仲唔脆， 不过算啦可能而家呢啲新式做法系咁🤗 仲有佢个灯光比较暗， 但系佢播嘅怀旧歌就好大声， 歌曲同灯光好似格格不入， 而且如果同朋友倾计都要比较大声， 埋单结帐都要六百几蚊， 值唔值就见仁见智啦!