小肥牛火鍋活魚專門店 (已結業)

朋友生日，佢喜欢食牛肉火㶽，所以拣咗黎小肥牛食佢推介的手切肥牛，讲真细细个就食小肥牛，一D都无咩特别期望。Book咗呢间太子的小肥牛，我地五人都可以book间房，有独立厕所，真系好喇，几大声讲笑都可以呀！侍应推介咗呢个火焰蟹汤底 （＄128），佢话其他火㶽店起码几百蚊，咁抵？即管试下啦！侍应一点火，果然好有效果㖞！但系影相一楼，但其实个㶽味度好一般，除咗酒味，都无咩海鲜味，只蟹细到差D见唔到！哈哈。。。解释咗点解比其他火㶽店平啰。手切肥牛是预期的水准吧，但系切得好薄，而且要预订，讲真真系唔系特别好食啰另外叫了两款刺生，都好新鲜！桶蚝好大只，火㶽效果好好，大大只好有蚝味，食得好满足，可惜一碟得五只，唯有encore叫多碟啰！另外值得一提蟹子墨鱼滑，虾滑，入口好弹牙好浓味、鲜味，好好食！我地仲叫咗猪天梯同埋鹅肝，都系少火㶽食的，猪天梯原来好爽，口感好得意，会再食呀！鹅肝都好特别。另外仲有菜同其他火㶽料，位位＄280总括黎讲，食物水准都唔差，但无咩惊喜吧！