影片
更多
2019-01-03
54 浏览
之前圣诞o个排去megabox，见到佢d 圣诞布置好靓，尤其系五楼中庭o个度，今年系little twin stars 主题，有住粉红色o既圣诞树同小屋，行出平台仲有个闪光玫瑰花海，影相系几靓o既。虽然我地无留到咁耐影唔到夜景，不过都食o左间唔错o既马来西亚餐厅！餐厅向商场呢面有住铁框玻璃，有一面墙用上竹叶密铺墙身，另一面则有d 筲箕设计o既灯，略带东南亚风情。无骨海南鸡喇沙(跟餐$58 未加一) 系menu 推介菜式，鸡皮色泽鲜艳，泛起油光，内里肉质嫩滑，已经去晒骨可以啖啖肉大快朵颐，唔使点泰式辣酱已经好好食！个喇沙，汤底充满椰奶同一d 香料o既味道，喇沙酱o既辣度我俾小辣，麻麻地食得辣都可接受。食落，发现原来佢有两只面底捞埋，一粗一幼，幼o既食落似粉丝，粗o既口感唔会好似中国粗面咁实净，两只粉generally 都比中国面爽口。食到尾，又有新发现，原来佢除o左豆卜，仲有只蛋沉o左底被世人遗忘o左……提起软壳蟹，通常都只会联想起日本餐厅，但竟然呢度都有得食，而且唔系好贵，所以叫o左个软壳蟹捞檬粉(跟餐$48)，够晒fusion。好大份，个檬粉已经好大一兜，而且只蟹系成只上！蟹脚香脆，
餐厅向商场呢面有住铁框玻璃，有一面墙用上竹叶密铺墙身，另一面则有d 筲箕设计o既灯，略带东南亚风情。无骨海南鸡喇沙(跟餐$58 未加一) 系menu 推介菜式，鸡皮色泽鲜艳，泛起油光，内里肉质嫩滑，已经去晒骨可以啖啖肉大快朵颐，唔使点泰式辣酱已经好好食！
无骨海南鸡喇沙 (跟餐$58)
7 浏览
0 赞好
0 留言
个喇沙，汤底充满椰奶同一d 香料o既味道，喇沙酱o既辣度我俾小辣，麻麻地食得辣都可接受。食落，发现原来佢有两只面底捞埋，一粗一幼，幼o既食落似粉丝，粗o既口感唔会好似中国粗面咁实净，两只粉generally 都比中国面爽口。食到尾，又有新发现，原来佢除o左豆卜，仲有只蛋沉o左底被世人遗忘o左……
提起软壳蟹，通常都只会联想起日本餐厅，但竟然呢度都有得食，而且唔系好贵，所以叫o左个软壳蟹捞檬粉(跟餐$48)，够晒fusion。好大份，个檬粉已经好大一兜，而且只蟹系成只上！蟹脚香脆，中间部份较沾上酱油，提升o左蟹肉o既浓味。至于d 檬粉，配上鱼露醋，简直就系最佳拍档。
跟餐可以加配一份香芒椰汁糯米饭(加$26)，原价要$48！梗系叫埋。又系好日式，卖相整到好似寿司咁，仲用埋日式o个d 寿司架，垫番块叶o系底咁。
香芒椰汁糯米饭 (加$26)
3 浏览
0 赞好
0 留言
餐饮朋友点o左泰式奶茶，但其实一d 特别都无，无论系落单时店员覆述，或者张单上都只系写「热奶茶」，而且朋友话饮落比较涩，唔系好够奶。
至于我，就加o左$4 升级去特饮，叫o左个mee…魔法梳打。好有趣o既名字，店员介绍时话饮品会变色因而得名。上台系一杯蓝色饮品，付上一细杯应该系柠檬汁；慢慢倒落去，杯o野会变成紫红色，有得饮有得玩！底下有住甜甜o既芦荟粒，不过我建议杯柠檬汁唔好落晒，如果唔系有机会酸得济~
张贴
