水門泰式海南雞飯專門店 (已結業)

今日去试咗一间上环嘅无骨海南鸡饭，店内座位唔多主要系做外卖为主。今日试咗一个泰式无骨海南鸡饭。要讲海南鸡饭首先一定要讲佢个油饭。佢个油饭真系极品，佢嘅油饭系一粒粒好似炒饭咁，粒粒都好香，唔系刚刚由电饭煲煲出嚟𠮶啲咁样。再来就要讲下佢个鸡啦，虽然数量就唔算好多，但系胜在每一件都煮到啱啱好，唔会煮过龙。就连佢𠮶酱汁我都觉得值得一提，个酱汁入面特别加入咗好多蒜蓉令到佢非常惹味，我每一件鸡都完全点晒入去个酱汁入边。最后，不得不提嘅就系连佢伴碟𠮶个沙律都好好食。难得发现到一间好好食嘅海南鸡饭，真系想即刻再去食多次。