風流居酒屋 (已結業)

今匀被朋友吓死! 带我去了铜锣湾登龙街，话请我去居酒屋。上到来，随即感到唔多妥，晚饭繁忙时间，铜锣湾旺区，入到去，竟然一个客人都无，好惊惊呀! 店员随即苏醒招呼我们入座。餐牌印得几靓，显示出有好多款饮品和食品，到处还上 “厨师推介” 的木餐牌。不过好可惜，木餐牌上所写的东西全部都无供应，就连普通的鱼生、寿司、手卷、天妇罗、梅酒都无供应。咁都算是居酒屋吗?好想走。不过，朋友话既然来到，好好丑丑都叫啲嘢食完先走啦…….我哋叫咗一杯柚子酒、一杯啤酒、一碟炒菜、一份烧鸡翼、一份牛肚煮、一个牛肉乌冬。好好彩，啲嘢食唔算难食，只是牛肚煮太咸了，不过，佢都煮得好腍。另外，炒菜都好爽脆无煮得过熟；鸡翼去咗骨，醸咗啲虾肉，食落都OK；牛肉乌冬好清淡。