影片
更多
2019-05-17
302 浏览
话说自己嘅生日都唔喺香港度过。返到嚟香港梗系想食返一餐生日饭啊。一于就同女朋友嚟到哩间habitu食饭。 拣呢度嘅原因除左有优惠之外，重点系我好钟意饮咖啡，而且之前嚟过食过猪扒，觉得几好食，所以要返嚟encore。先讲讲环境，habitu都系走中高档嘅咖啡店，所以环境都系清净企理，适合情侣拍拖或者几个女仔嚟食。加上我家喺奥海城呢间人流比较少，食得都舒服啲。值得一提嘅系，habitu 有几种店，但我哋今次嘅habitu all time 就只系得一间嗻，冇乜研究当中嘅分别。烤厚切猪鞍扒。呢个系佢哋嘅推介菜式，猪扒以网烧嘅形式烹调，煮完出嚟之后嘅卖相非常之好。食落亦充满肉汁，肉质啱啱好，唔会话太松散太腍。配菜都有少少惊喜，因为记得之前嚟食嘅时候配菜系薯仔。今次就变咗苹果沙律，感觉清新开胃。辣肉肠薄饼。呢个薄饼松脆可口，有两种唔同嘅辣肉肠 ，配住薄饼食都几夹。加埋配菜有青椒蕃茄等等，感觉都几清新。唯一挑剔嘅系份量比较细，衹能当系一个小食，如果你当佢系主菜嘅话就会未必够饱。焦糖脆片咖啡。难得嚟到habitu，当然要试下佢嘅signature coffee。几只咖啡当中最特别嘅一定系呢个焦糖脆片
先讲讲环境，habitu都系走中高档嘅咖啡店，所以环境都系清净企理，适合情侣拍拖或者几个女仔嚟食。加上我家喺奥海城呢间人流比较少，食得都舒服啲。
值得一提嘅系，habitu 有几种店，但我哋今次嘅habitu all time 就只系得一间嗻，冇乜研究当中嘅分别。
烤厚切猪鞍扒。
呢个系佢哋嘅推介菜式，猪扒以网烧嘅形式烹调，煮完出嚟之后嘅卖相非常之好。食落亦充满肉汁，肉质啱啱好，唔会话太松散太腍。配菜都有少少惊喜，因为记得之前嚟食嘅时候配菜系薯仔。今次就变咗苹果沙律，感觉清新开胃。
辣肉肠薄饼。
呢个薄饼松脆可口，有两种唔同嘅辣肉肠 ，配住薄饼食都几夹。加埋配菜有青椒蕃茄等等，感觉都几清新。唯一挑剔嘅系份量比较细，衹能当系一个小食，如果你当佢系主菜嘅话就会未必够饱。
焦糖脆片咖啡。
难得嚟到habitu，当然要试下佢嘅signature coffee。几只咖啡当中最特别嘅一定系呢个焦糖脆片咖啡。因为佢都写到明就系呢只咖啡唔可以take away。试完就知点解喇。佢个原理就好似焦糖布甸噉样，有一层焦糖喺个热咖啡上面。如果你唔整碎佢噉饮，就系一个普通嘅咖啡。如果咬碎啲焦糖噉嘅话，就会有好香浓嘅焦糖咖啡味，感觉系几新奇嘅。如果你想用嚟打卡，呢杯的确系唔错嘅选择。
蜜瓜桃茶。
呢只茶嘅蜜瓜味又几犀利个㖞，茶味就比较淡。钟意密瓜嘅朋友都可以试一下
张贴
