焰拉麵 (已結業)

系元朗多左好多间日本餐厅，行经元朗教育路已经有好几间，选择都几多。呢间焔ラーメン(焰拉面)装修成日式风格，主打博多猪骨拉面及东京酱油拉面。种类选择都算多，正当我唔知点选嘅时候，职员就向我推介「鲜焔」。呢碗拉面系鱼介豚骨(海鲜猪骨)，内里有好多橙色细细只嘅樱花虾，碗面就变到好似有一点点火焰咁，卖相都几靓㖞。叉烧肉质松软，仲保留左些少肉汁，再加埋海鲜猪骨汤味道更加唔错。食鲜焰会另附一支鱼介酢(海鲜醋)，好有趣嘅系内里浸住几条鱼仔，酸酸地加少少落去，汤嘅鲜味会更好。拉面硬度适中，好有口感，另外追加替玉，替玉的意思原来系「加面」，因拉面幼细，好易被汤浸淋，一开始不会放晒所有面，食到一半的时候就可以黎个替玉，若觉得唔够食，加多15蚊就可以有多一底面。再叫多个小食，板烧乌贼须嘅酱汁唔错，乌贼须不会过韧，两者配搭得很好。