焱手工涮涮鍋 (已結業)

想食海鲜，又想打边炉，朋友就话佢听人讲有间几好食而又就脚，就话不如去试下，叫焱手工涮涮锅。一睇个menu，不得了，样样都好正咁。为左唔洗谂咁耐，决定叫个set。前菜黎先，有我钟意食嘅手撕鸡，份量够多又惹味，个沙律落左柚子酱，加埋芝麻酱好香甜好开胃。汤底除定左嘅清酒煮蚬，我地拣左人参药膳锅同美人锅补一补。个药膳锅真系有条人参系入面，估佢唔到😂个蚬锅仲要系即场煮，啲蚬只只都大大只，就算煮完都系冇缩水兼且啖啖肉。海鲜盘一黎到简直不得了，全部都我最爱，比想像中大只，又够新鲜，渌完都仲系咁大只。碟响铃同牛颈脊都好正，响铃大大碌新鲜炸起，一黎到已经闻到好香，啲牛好软牛味浓郁。碟手工拼盘都唔错，啲虾胶墨鱼胶都好弹牙，冬菇好juicy，饺子对比下就普通啲。跟set有野饮我拣左紫贝天葵，又唔错㖞，饮得出冇点样落糖落冰，系健康嘅味道。甜品系雪糕，估唔到咁好食！平时我都麻麻地云呢拿味雪糕，因为觉得阵味好假，但呢度嘅系劲香，仲会见到啲云呢拿籽系上面，呢我对呢间野大大加分！