影片
更多
2023-06-21
287 浏览
第一次嚟蒙面食嘢，由于系星期二，所以只系排咗20分钟，我估星期六日真系要排30至1小时先可以食到蒙面。其实我本身唔食车仔面，因为啲料浸晒喺水入面，感觉摆咗好耐，好不新鲜，所以我对上一次系食永年车仔面，都好几年前。但系呢间店舖嘅花甲系偏大只，比起东荟城花甲年华𠮶间嘅花甲大只好多，而且花甲无沙，以花甲作为车仔面材料，真系相当吸引！另外我仲叫咗厚煎午餐肉，午餐肉煎得非常香，喺出面比较少食到又香又脆嘅午餐肉，所以极之推荐午餐肉同埋花甲。蒙面嘅灵魂应该系烧叉烧，佢嘅烧叉烧可以同大围小馆一拼高下，大围小馆已经系米芝莲级数，非常用心制作叉烧，但呢间小店亦同样亲自烧叉烧，真系好香，而平日我系最讨厌食擦子胶叉烧，因为真系好得人惊！至于银针粉喺出面好少卖，除咗大家乐早餐有银针粉外，但我觉得银针粉唔值得推荐，因为佢唔够索味，明显我对面食紧米粉的，比较索腩汁味。呢间餐厅环境就非常一般，但真系好用心制作食物，起码价钱合理，食物保持新鲜，亦都用咗好多风扇去吹住间餐厅，亦有三部冷气，只系椅子真系坐得唔舒服，但我见到外面仲有好多人排队，有啲一睇就知系熟客，会同老板自己找钱，所以街坊们应该都钟意食呢间蒙面。以拉面价钱去
其实我本身唔食车仔面，因为啲料浸晒喺水入面，感觉摆咗好耐，好不新鲜，所以我对上一次系食永年车仔面，都好几年前。
但系呢间店舖嘅花甲系偏大只，比起东荟城花甲年华𠮶间嘅花甲大只好多，而且花甲无沙，以花甲作为车仔面材料，真系相当吸引！另外我仲叫咗厚煎午餐肉，午餐肉煎得非常香，喺出面比较少食到又香又脆嘅午餐肉，所以极之推荐午餐肉同埋花甲。
蒙面嘅灵魂应该系烧叉烧，佢嘅烧叉烧可以同大围小馆一拼高下，大围小馆已经系米芝莲级数，非常用心制作叉烧，但呢间小店亦同样亲自烧叉烧，真系好香，而平日我系最讨厌食擦子胶叉烧，因为真系好得人惊！
至于银针粉喺出面好少卖，除咗大家乐早餐有银针粉外，但我觉得银针粉唔值得推荐，因为佢唔够索味，明显我对面食紧米粉的，比较索腩汁味。
呢间餐厅环境就非常一般，但真系好用心制作食物，起码价钱合理，食物保持新鲜，亦都用咗好多风扇去吹住间餐厅，亦有三部冷气，只系椅子真系坐得唔舒服，但我见到外面仲有好多人排队，有啲一睇就知系熟客，会同老板自己找钱，所以街坊们应该都钟意食呢间蒙面。
以拉面价钱去食有花甲、有叉烧、有午餐肉、有鸡翼、有生菜嘅银针粉，我觉得好足料，希望第时店舖可以搬去更大嘅位置，令大家坐得更舒服，睇得出店主都好重视个人形象，因为佢个头发真系gel得好行😂喺咁热嘅厨房做嘢，都注重形象，我真系好欣赏！
张贴
