豪隍點心工房

营业中

休息中

听讲呢间点心店非常好味，今日终于试到，因为朋友话呢间地舖分店味道同总店差唔多，不过就好坐啲，所以就拣咗呢一间。佢有个点心拼盘，入面有两粒虾饺、两粒潮州粉果，一个叉烧包同埋一个流沙奶皇包，一次过满足四个愿望所以叫咗，另外仲叫咗个是日炖汤，今日系鲍鱼螺头炖鸡，另外叫咗鹅肝酱咸水角同埋鲜虾腐皮卷。先讲虾饺，虽然入边只虾唔算大，不过木栅都有一只半至两只，胀卜卜好大粒，虾饺皮好薄，果然系招牌虾饺。潮州粉果入面啲馅好新鲜，尤其是啲沙葛「索索」声，不过我觉得佢个皮太薄，所以好易穿搞到啲馅跌晒出嚟。叉烧包同埋流沙包就冇乜特别。个炖汤都唔错，好似冇乜油，不过汤渣就少啲，而且鲍鱼同埋攞头都好细粒。鹅肝酱咸水角同埋鲜虾腐皮卷就系几样嘢之中最精彩。好多时候出面食到嘅咸水角多系室温甚至乎冻冻地，所以味道一定唔好，不过呢度嘅咸水角好热，值得一赞。入面加咗鹅肝酱就令到啲馅料更滋味。鲜虾腐皮卷嘅虾都算新鲜，另外佢个腐皮煎到好香脆，而且佢本身都够薄，所以食落去口感好好。我最欣赏佢两款炸嘅点心都冇乜油，实在难得。