大家姐 (已結業)

见呢间小食店平时都多人买，以为唔会难食得去边，冇卫生，服务同环境可言，阿叔我第一次买，呢间嘢隔离仲有间叫大家姐·茶，望落你都唔会想饮嘅舖头，$16/5件 煎酿三宝，价钱都唔平，但我记得块板写$15/5件，唔知系我记错定佢找少钱。话佢哋煎酿三宝好食嘅系咪食开s呢睇相你都知难食啦1.鱼蛋 好痴牙，细粒，平时食开垃圾嘅母亲都话唔好食2.豆腐上面鱼肉得一小片，豆腐又系好细嚿，冇咩味，难食，咬咗一啖就冇食3.青椒鱼肉系我半只手指咁大，青椒都系青椒味，冇咸味，表面好油原本叫咗茹子但冇俾我，自问要求唔高，咁多年嚟未食过咁难食嘅煎酿三宝，屋企只狗闻到都走，可能呢间嘢有其他正常食物，但我就唔会再帮衬。