天園餃子 (華發大廈) (已結業)

琴晚同老婆系旺角买完野我就推介同我一齐食甜记饺子，之前食过觉得甜记d饺子虽然卖得贵d,但胜在水准之上。不过行到过去实在太多人系门口排队，就望到对面都有间饺子店，心谂应该都ok吧望落都有人食。叫左8只煎韮菜饺，食落还可以。我中意食煎韮菜饺，如果呢款饺都唔好食，应该就blacklist。老婆就order左汤饺，汤饺要求会高d,除左饺子好食，个汤底都有d要求。可惜个汤底重胡椒粉味，唔啱饮无乜诚意。另外其中有款芹菜汤饺(叫左两只款共10只)个馅食唔到芹菜果只味道之余，仲有d黑椒粒，老婆食完2粒推俾我叫我食咪佢😿价钱系比甜记平少少，但撞正本人系饺子控，对饺子要求高，亦都明白甜记咁多人排队。呢间算不上好劣食，但我就唔会有下次。