有得餃

营业中

休息中

有得饺几年前我已开始帮衬，记得当年最出名嘅就系五色饺。旧年佢搬咗去对面街新铺，地方大咗，客人都多咗，唔单止等位耐，如果撞正佢哋啲饺卖哂包唔切，听讲仲会突然之间拉闸唔做生意😱，所以帮唔帮衬到，其实都要讲彩数😂。虽然主打饺子，但呢度最多人赞好嘅居然系佢哋个秘制酱汁捞面，以醋同酱油为主嘅酱汁，里面加咗非常多嘅蒜，芫茜同葱，捞埋粗面条一齐食，非常惹味👍，不过食完个口会几臭😆。饺子方面，蒸饺款式比较大路，size 偏大，馅料丰富，味道不错，不过饺皮偏厚；炸饺款式则较新颖，例如我哋 order 嘅芝士比萨炸饺，馅料味道就同 pizza 一样，好有趣。至于另一个小食香脆芝士烟肉薄餐就脆卜卜好香口。呢度同隔离嘅醋头家有做联营，帮衬完去隔离买饮品有九折优惠，大家合作，齐齐撑起黄色经济圈💪。