餃掂手工餃子雲吞專門店

天气冻返好多，想食有热汤既热野，但又唔想成日食面，谂起中环呢头有间饺子好食又唔贵，不过要行几条街先去到🤣 见天气冻冻地就即管行下，去到「饺掂」门口已经都有好多南亚裔哥哥等紧外卖，所以我都等左一阵。.屋企有4个人，应该3份饺子都够食，所以我叫左龙凤松茸双灼饺$86（8只）、韭菜猪肉饺$54（10只）、元贝煎猪肉饺$62（10只）、黄金原味皮蛋$28。.讲返饺子先，呢间饺子平时食lunch就帮衬开，夜晚因为通常返屋企食就比较少食，佢饺子重类系极多，多到有点选择困难症咁🤣咁今次就叫左之前都食过既招牌龙凤松茸双灼饺，8只里面系4只白松露同4只黑松露，咬开既松露香味好重，够晒特别又大大粒，冬天食好暖胃feel! 之后元贝猪肉饺就叫左煎既，煎既可能返屋企冻左少少无咁脆，就同堂食有d分别，但佢个皮煎到脆脆有点浓边，加埋粒粒贝柱好食。另外想讲下佢个煮饺子跟埋个状元九鼎汤好鲜甜又好味无味精👍🏻正 。冬天食热辣辣饺子好幸福。