喜相逢 (砵蘭街)

营业中

休息中

今日放工去咗太子附近食饭，谂咗好耐唔知食乜嘢好，于是我哋就去咗呢一间餐厅入边食饺子，呢间餐厅都几得意，有得食饺子，又有得叫酒饮，一边食饺子嘅小食同埋凉拌，另一边就可以饮酒倾下计都几好。我哋叫咗一啲煎饺同埋汤搞黎食，煎饺方面我哋叫咗韭菜猪肉饺拼云耳椰菜猪肉饺。两只饺都煎得几香个，皮都唔算好厚。韭菜味都几浓。汤搞方面，我哋叫咗白菜猪肉饺同埋芹菜猪肉饺，佢系将汤饺摆喺一个大汤碗入边连埋啲汤一齐上碟，啲汤都可以饮埋，咸咸地都可以。另外，我哋仲叫咗小食。我哋叫咗口水鸡（例牌）。口水鸡辣辣地咸咸地，啲肉都结实，口水鸡上面有花生、芫荽、辣椒，配埋啲口水鸡酱汁，可以一试。