Cafe Fabulous

营业中

休息中

cafe fabulous 旺角本身想约朋友上嚟哩间咖啡厅度坐下食下嘢，冇谂到佢突然间要加班，唯有外卖上去一齐食啦。抵食嘅单人套餐40蚊就有齐野饮同埋饭套餐，超高质好好味。日式咖哩虾饭，虽然价钱好优惠。佢一啲都唔求其，仲好足料！俾咗四只大虾，而且炸得好香脆，个咖哩汁都好浓郁，食落非常之开胃，配埋蓝莓绿茶感觉非常之清新，有甜蜜嘅蓝莓味。烟三文鱼凯撒沙律，因为自己好钟意食三文鱼，见到有烟三文鱼肯定要叫多一份啦，有三片大大块三文鱼，而且番茄同埋生菜上面都有啲芝士粉同烟肉点缀，非常之有心思。除此之外我哋仲叫咗一个吉列炸蚝做小食。蚝非常之肥美大只，而且好香口，同朋友都好钟意食。