棋子燒鵝 (長沙灣道)

营业中

休息中

棋哥之子最近一口气连开两间食店，上次喺九龙湾德福广场买过外卖，我屋企人好欣赏佢嘅脆皮烧鹅，今日放工经过深水埗嘅分店，又心血来潮想回味一下。原来而家烧鹅做紧九折，而且仲标明系烟熏烧鹅，店员话烧鹅系带有烟熏味道。而家买烧鹅半只，仲可以加$10有半只鸡，完全谂唔到有咩理由叫自己唔买埋。手撕鸡都好似几吸引，呢个留待下次再试。阿妈教落，想知道𠮶只系鹅定鸭，其中一个特征就系鹅头会有个髻，而呢度挂出嚟嘅就一定全部都系烧鹅，货真价实。攞到返屋企，烧鹅皮仍然系脆卜卜，今次嘅烧鹅仲果然有明显嘅烟熏香味，真系别有一番风味。 十蚊鸡肉质弹牙而爽口，仲非常嫩滑，$10真系好超值！半只烧鹅加半只鸡埋单只需$235，以呢个质素真系值回票价。