阿爺燒鵝餐室 (已結業)

身为东区友，曾经都听闻过哩间阿爷烧味系几有料的，难得今日早放工，一于去斩料加𩠌系门口已经见到一排排立立靓嘅烧鹅，望落好肥美价钱中规中矩，主打都系做熟客仔架喇样样烧味望落都好靓色水，搞到人心大心细。员工好热情，一入门口就问我外卖定堂食，落单快手干脆既然哩度最出名就烧鹅，一于叫份烧鹅下庄+油鸡下庄番屋企。油鸡下庄 （$40）油鸡望落色泽好靓，肶位涨卜卜咁，睇见都流晒口水食落鸡肉果然好滑好嫩，就连唔系肶位都好滑溜，咸度适中，鸡皮薄薄地忍唔到口都食左几块。好丰满嘅鸡肶肉，好有鸡味招牌烧鹅下庄 （$138）烧鹅皮望落立立靓，充满油份，系搭车番屋企嘅途中不时都闻到阵鹅味肥瘦比例刚好，食落皮仲有啲脆，咀嚼期间仲会闻到淡淡烟熏味，比我之前食过好出名烧鹅个间嘅分店仲好食！（可参阅之前小妹一篇烧鹅食评🙈🙈🙈）果然名不虚传点埋酱汁，睇下几靓好快我地就清晒。好在屋企人都好满意，仲赞口不绝，不枉我早落车几个站买番黎原来离我屋企咁近已经有间咁靓嘅烧味舖，以后一定会多啲帮衬！