影片
更多
2018-10-25
5897 浏览
睇到新闻话excelsior就快拆，拿拿声写返篇食评，记低可能系最后一次既经验。话说国庆当日同朋友喺铜锣湾食饭，除左一心谂住要避开自游行之外，根本唔记得国庆有咩特别庆祝活动。早早食完饭，谂住去间有海景既bar，去到门口见到有minimum charge，先记得国庆有烟花睇！上到Excelsior 34楼，进入室内餐厅/bar之前，左面有一道门通去Roof Terrace，如果冇黎过可能唔知有呢度！Roof Terrace望向尖沙咀，而室内餐厅/bar就系望另一面，系睇唔到烟花既。要达到minimum charge，每人大约要消费2杯cocktail或者红白酒。我地8:15左右去到，但可能大家都等睇烟花，已经冇位坐，要企了。当晚比较多人，但等拎本menu睇，直至可以落order，再到杯野饮黎到都起码等左半个钟…睇烟花的话，呢个位置系几正。不过当晚开始放烟花后唔少人（大部分都系国内游客）不但冇叫野饮，重要推开其他人sip去最前面不停影相，放完烟花之后就走左。To be fair，当中有啲人可能系喺入面餐厅食完饭过黎terrace，但见好多一早黎左等既人反而比佢地迫左去后面，令人觉得之前既等
话说国庆当日同朋友喺铜锣湾食饭，除左一心谂住要避开自游行之外，根本唔记得国庆有咩特别庆祝活动。早早食完饭，谂住去间有海景既bar，去到门口见到有minimum charge，先记得国庆有烟花睇！
上到Excelsior 34楼，进入室内餐厅/bar之前，左面有一道门通去Roof Terrace，如果冇黎过可能唔知有呢度！Roof Terrace望向尖沙咀，而室内餐厅/bar就系望另一面，系睇唔到烟花既。
要达到minimum charge，每人大约要消费2杯cocktail或者红白酒。我地8:15左右去到，但可能大家都等睇烟花，已经冇位坐，要企了。当晚比较多人，但等拎本menu睇，直至可以落order，再到杯野饮黎到都起码等左半个钟…
睇烟花的话，呢个位置系几正。
不过当晚开始放烟花后唔少人（大部分都系国内游客）不但冇叫野饮，重要推开其他人sip去最前面不停影相，放完烟花之后就走左。To be fair，当中有啲人可能系喺入面餐厅食完饭过黎terrace，但见好多一早黎左等既人反而比佢地迫左去后面，令人觉得之前既等待同埋比minimum charge失去意义。
总括黎讲，呢度系唔错既睇烟花位置，但野饮价位都偏贵，又唔太多位，所以如果下次有心睇烟花，应该会揾一间海景餐厅。但如果平日同朋友放松一下，可以望到海景，又喺正铜锣湾中心，都算系可以既选择。
张贴
