鰹烏冬 (寶華閣)

营业中

休息中

餐厅打主日式食品，所以店舖门外装修好有日本风格👍🏻星期日人流较多，等咗大概半个钟就可以入去🤓排队期间店员会派餐牌，点咗餐再入内。而招牌竹帘乌冬系假日停卖😕🥢鲣鱼汤咖喱乌冬 $54乌冬的确好烟韧，唔会太软或太硬，煮嘅时间啱啱好😍 咖喱汁好浓稠，系日式偏甜口味，虽然感觉上唔似汤亦唔太食到鲣鱼味，但仍然系好食🤓🥢天妇罗5件 $59天妇罗亦系呢间餐厅嘅招牌菜，有两条鱼、冬菇、茄子同虾。鱼炸得香脆，唔苦。冬菇同茄子够多汁，虾肉弹牙但略嫌炸粉太多。🥢鲣鱼白味增锅仔烧乌冬 $80呢个锅烧乌冬就有啲失望，汤底淡到完全冇味道 连少少鲣鱼味都无😕 虽然牛肉靓而乌冬质地好，但卖紧呢个价钱而汤底无味的确太失望。