軟橋米苔目餐廳 (已搬遷) 新店位置

今日又同朋友黎深水埗买皮革用品，顺道揾好食的。最后拣左呢间软桥米苔目小店，希望佢唔系雷声大雨点小！食完发现呢间外表不甚么起眼的小店，竟然煮出用心制作的台湾美食😋😋😋小店最出名米苔目、Q弹豆腐、同鸭肉🐤！所以点左一碗米苔目、一客Q弹豆腐、麻辣鸭肉、醉香猪双脆。（一手靓既字会令人睇得好舒服）米苔目我地拣左猪润同墨丸做配菜，可能因为第一次食米苔目，完全比呢d一条条既米苔目吸引，每条都非常烟un，吸了汤或既鲜味，唔洗配菜都好好味。猪润煮得岩岩好，唔会太干身，墨丸都弹牙。Q弹豆腐呢款豆腐好特别，平日食既豆腐都系软滑，但呢度系真系弹牙，感觉似鱼蛋口感，但又带豆香，配埋椒盐好香口！麻辣鸭肉呢款鸭肉都系好特别，平日比较少食到鸭肉，食都系食卤水鸭肉多，估唔到麻辣同鸭肉都几match！喜欢吃鸭肉可以一试！醉香猪双脆呢款都系我今晚醉爱啊！估唔到猪脷同猪耳可以整到咁好味，一d猪既骚味都无，而且好爽脆，花雕酒腌到好入味！百香果爱玉冰本身对饮品都无乜太大期望，但估唔到小店连饮品都做得相当唔错！百香果姐系香港既热情果，酸酸甜甜果味香，配埋滑滑既爱玉，好正宗既台饮！