鰹烏冬 (寶華閣)

营业中

休息中

成日都有人排队，今次星期六去食，大约要排15分钟。如果咁啱坐正吧位，就可以睇住师傅开机擀面团切乌冬，好过瘾。*鲣鱼半汤乌冬 $46乌冬热食，粗身，非常弹牙，质感满分，带强烈麦香面粉香。半汤系浓缩鲣鱼汁，带鲜甜鱼味又带酱油香，份量比清汤乌冬少，所以系日式捞乌冬，浓度啱啱好，乌冬少少挂汤，食落唔会太咸。夏一乌冬 $55睇名就知道系夏天食嘅乌冬，冻食乌冬比热食乌冬更加弹牙，我觉得质感偏硬，热食比较啱我口味。将蛋黄同酸汁捞埋一齐，非常清爽，但今日酱汁多咗啲，所以盖过咗蛋香味。天妇罗鸡件 $42新鲜炸起四件天妇罗鸡件，每一件都好大件，面衣完全唔油，外面香脆，入面嘅鸡件依然juicy，唧少少柠檬汁，有种清爽感觉。骨付鸡 $44骨付鸡系烧鸡脾，阵阵鸡肉香味飘来，但我略嫌鸡皮烧得唔够焦香。鸡脾肉厚肉，熟度啱啱好，肉质非常嫩滑，鸡皮烟韧有咬口，有啲油腻感，而鸡髀整体偏咸偏油，碟底都系油，食完成嘴油。