影片
更多
2016-04-02
434 浏览
见点几钟周围都仲咁多人食饭，突然谂起超市对面有间日本野，无咩人又饿到晕以为有救星啦。见个餐牌啲野食卖相几吸引，心大心细最后叫左大阪烧炒面，落单前我都问过有无芽菜？年长啲既侍应实牙实齿话无！十分钟左右碟野一放低我已经打左个突，首先个卖相同幅相已经差好远，无铿鱼碎放系面，面身既颜色又唔够，根本就炒唔匀，啲汁水汪汪，而且碟面无镬气可言，微波炉叮三分钟仲热过佢！最惨系有芽菜，明明问过话无最后都系有，求求其食左一半左右就算，跟餐个碗面豉汤迟黎仲冻过一坐低比个杯茶。呢六十四蚊真系难受！全场计埋我都无六枱客，个厨房都可以求其成咁，隔离枱order先过我，到我食完佢都仲未有，个侍应话漏左单，呢间野真系不知所谓！
见个餐牌啲野食卖相几吸引，心大心细最后叫左大阪烧炒面，落单前我都问过有无芽菜？年长啲既侍应实牙实齿话无！
十分钟左右碟野一放低我已经打左个突，首先个卖相同幅相已经差好远，无铿鱼碎放系面，面身既颜色又唔够，根本就炒唔匀，啲汁水汪汪，而且碟面无镬气可言，微波炉叮三分钟仲热过佢！最惨系有芽菜，明明问过话无最后都系有，求求其食左一半左右就算，跟餐个碗面豉汤迟黎仲冻过一坐低比个杯茶。呢六十四蚊真系难受！
全场计埋我都无六枱客，个厨房都可以求其成咁，隔离枱order先过我，到我食完佢都仲未有，个侍应话漏左单，呢间野真系不知所谓！
张贴