四季煲仔飯

营业中

休息中

琴晚同朋友来食煲仔饭。可能种种原因，七点去到水静河飞，睇得出几位大婶服务员应该好得闲。朋友系之后来到，坐低后佢问我有咩想食，当时其中一个大婶系我地无叫佢的情况已经企咗系隔离，听到我地交谈似乎想叫北菇滑鸡饭已经准备写单，我见到同佢讲等等先我地未落单再睇。然后同朋友继续研究餐牌，过程中佢有好多野都唔食，个大婶听到我地研究食咩的时候就自己不停加把咀话可以叫乜叫物。由于觉得烦，我用比较强硬的态度话：得，我地自己会睇。佢终于收声行开。最后叫咗二个煲仔饭，一碟通菜。个人觉得煲仔饭料可以菜都可以，但饭就一般。朋友觉得饭有些硬。基于唔算特别好食，加埋服务员好烦，无意再去。