花木日本料理 (已結業)

呢幢building 之前未嚟过，啲lift 好快，机乎唔使等，同厚福街真系无得比，餐厅系我钟意嘅高楼底同宽敞嘅坐位，而最重点系背景音乐系我最爱嘅龙猫主题曲。睇menu 以weekday 嚟讲单价唔平，不过而家set lunch做紧买一送一所以就唔同讲法。点咗个鱼生丼，望落已好吸引，由汤开始先，汤除咗有正常嘅豆腐同海带外，竟然有秋葵，真系无见过，跟住系炖蛋，有鸡肉，蟹柳同白果，几唔错，鱼生丼真系好实在，鱼生好多好多，应该占60% ，而且好都新鲜，当中带子都有大有细，三文鱼都系厚切。另一个点咗天妇罗，虽然无跟沙律，汤……但配个乌冬份量都好多，天妇罗有虾，南瓜，茄子…个粉都做得好好。每个set 128,加埋1，买一送一每位只需77，可以话物超所值, 喺经济咁差，烦嚣嘅工作环境下食个高质嘅lunch系一种小确幸。