心選 (已結業)

走过热闹的旺角行人专用区，穿入豉油街的楼上心选cafe，份外宁静。店内有简单嘅装修同摆设，软棉棉嘅梳化，柔和嘅音乐，令成个人都感觉好舒服。坐下来，先有职员悉心介绍墙上晚餐精选。晚餐款式都有好多，仲包1杯$36嘅饮品，如果想拣啲特色饮品，补番差价便可。我地拣左菠萝沙冰同水蜜桃沙冰，入面有啖啖果肉，味道足够。食物方面拣左鳗鱼炒饭同埋黑松露野菌忌廉烩饭。前者有烧汁伴边，粒粒嘅鳗鱼，味道都挺好，干身啲就更加perfect。黑松露野菌忌廉烩饭有好香嘅黑松露香味，忌廉同野菌都好足够。小食方面拣左芝士焗大啡菇同埋小食拼盘（可任选5款）。芝士焗大啡菇焗得够干身，唔会出晒水，切开嘅时候先渗出菇汁，保留原汁原味。小食拼盘嘅鸡翼有3种味道，不过我拣左蒜香同椒盐，金黄香脆。薯角一样炸得金黄，够干身，味道好好！一边食仲可以一边玩最近好hit嘅企鹅仔game🐧，仲有靓姐姐教你点玩board games，成餐饭都食得好开心好enjoy。