影片
更多
2019-10-01
2931 浏览
早排入咗九龙城，到访过一家颇出色嘅居酒屋小店，叹咗多款日式串烧。食友睇过小弟嘅食评之后，就推介我试试另一家主打串烧嘅小店，大赞佢哋嘅串烧多元化，款式多，难得定价相宜，故此，今晚就约咗旧同学嚟到「烧烤堂」旺角店叹串烧，并分享死佬兄弟所遇到财务嘅烦恼事。食友教路，最好订位，因为餐厅属小店模式，地方真喺唔大，装修简约，其次，佢哋嘅人气又真喺几高企。我哋闲日晚7:00pm到，好似无乜客，但一到7:30pm过后，已近乎座无虚席，况且，食得串烧都唔喺快上快落嘅模式，如果无订位就嚟会有啲风险啫。正所谓「麻雀虽小，但五藏俱全」，底面两页A4纸点菜纸一次过贴出嚟，就会睇到选择非常之多，有唔同配搭，详细就唔再多讲，自己睇睇就清楚晒。饮品就晌另一个餐牌度，有唔少酒类饮品，我同老友都唔好，所以，就只影咗啱饮𠮶一页。然而，睇点菜纸，有个周年优惠，生啤买一送一，钟意生啤嘅朋友就啱晒喇。咸柠七 $22、可乐 $12食串烧，最衬都喺汽水、啤酒，当然，冰凉嘅梳打亦好，而小弟就拣咸柠七，原个咸柠檬，无欺场，咸咸酸酸，又够晒冻，爽住叹啲串烧。柠蜜牛油包 $18虽然喺食串烧，但见呢款嘢都几得意，贪过瘾点一客试试。原来喺一片硬
食友教路，最好订位，因为餐厅属小店模式，地方真喺唔大，装修简约，其次，佢哋嘅人气又真喺几高企。我哋闲日晚7:00pm到，好似无乜客，但一到7:30pm过后，已近乎座无虚席，况且，食得串烧都唔喺快上快落嘅模式，如果无订位就嚟会有啲风险啫。
正所谓「麻雀虽小，但五藏俱全」，底面两页A4纸点菜纸一次过贴出嚟，就会睇到选择非常之多，有唔同配搭，详细就唔再多讲，自己睇睇就清楚晒。
饮品就晌另一个餐牌度，有唔少酒类饮品，我同老友都唔好，所以，就只影咗啱饮𠮶一页。然而，睇点菜纸，有个周年优惠，生啤买一送一，钟意生啤嘅朋友就啱晒喇。
咸柠七 $22、可乐 $12食串烧，最衬都喺汽水、啤酒，当然，冰凉嘅梳打亦好，而小弟就拣咸柠七，原个咸柠檬，无欺场，咸咸酸酸，又够晒冻，爽住叹啲串烧。
柠蜜牛油包 $18虽然喺食串烧，但见呢款嘢都几得意，贪过瘾点一客试试。原来喺一片硬猪，烘脆后，放上大片牛油，再淋上柠蜜，估唔到效果几好㖞，外皮烟韧带脆，包心软熟，味道香甜渗出少少柠檬清香味。
柠蜜牛油包
$18
16 浏览
0 赞好
0 留言
原谂住呢碟嘢会几好食，日本蕃薯本身已经喺好嘢嚟，以牛油、蜜糖整，不过，唔知点形容，喺咪整好摆耐咗，定喺啲牛油整腍晒啲蕃薯条？香就香，亦好有蕃薯甜味，但有种过气油炸鬼嘅感觉，腍腍韧韧咁。同埋以呢个定价而言，个人觉得份量感觉似乎有啲少啫。
鸡皮墨鱼滑 $38既喺店家嘅得意之作，亦喺人气之选，而且，我都觉得咁嘅配搭好有创意。其实一客都唔喺好多，卖相比预期嘅普通，不过，又真喺几得，外层嘅鸡皮烧到好脆口，却又无乜油脂，中间嘅墨鱼滑又爽口、又弹牙，不失人气之名。
鸡皮墨鱼滑
$38
19 浏览
0 赞好
0 留言
汁烧鱿鱼须 $22、海苔黑豚肉鹌鹑蛋 $26再嚟一碟起孖，鱿鱼须搭黑豚肉鹌鹑蛋，由于啲鱿鱼须已经酱腌过，所以，食起嚟比较惹味，但质感软得嚟有啲韧啫；而后者，我哋都觉得好正，因为揾黑豚肉包住啲鹌鹑蛋嚟烧，令啲鹌鹑蛋入口唔会好干，却又有咸香味。
海苔黑豚肉鹌鹑蛋
17 浏览
0 赞好
0 留言
呢个喺我专登点嚟俾老友试，因为，配上日本鸡蛋，效果喺唔同啲，兼又安全啲。件免治鸡肉捧混入鸡软骨，食起嚟有阵松化感，但又不时有啲脆脆爽爽嘅感觉，口感富层次，沾满蛋浆，添多一份柔滑细腻嘅蛋香味。
烧软骨免治鸡肉捧（付月见）
$30
38 浏览
0 赞好
0 留言
呢一道就喺朋友好想食嘅菜式，一份都有唔少件猪颈肉，好泰式风味。我就几钟意佢哋烧到啲猪颈肉有份炭火香，口感爽爽哋，沾满泰式嘅酸酸辣辣酱汁，惹味到极，伴三几片青瓜嚟爽吓口就仲好。
鳗鱼炒饭 $58虽然我哋唔喺大食之人，但临尾揾个饭打打底，有啲饭气落肚，感觉好似实在啲。一道鳗鱼炒饭，老实讲，鳗鱼就唔喺觉好多，碎湿湿有啲咁啦，但炒饭就做得唔错，饭粒分明又爽身，做足基本。
冲绳黑糖烧菠萝 $18上次晌居酒屋，就以一道烧冲绳菠萝作结，今次都差唔多，不过菠萝唔喺嚟自冲绳，只喺用上冲绳嘅黑糖，做成一层薄薄嘅焦糖晌菠萝表面，咬落有层「脆皮」嘅感觉，然而，就算菠萝唔喺冲绳货色，都算得上清甜多汁。
冲绳黑糖烧菠萝
$18
4 浏览
0 赞好
0 留言
张贴
