影片
更多
2016-02-13
338 浏览
天公要落雨，香港要发展，社会进步，破旧立新无可厚非。从前无咁多大型商场同连锁食肆，街头巷尾各式食品百花齐放，饱肚之余亦系儿时最期待跟大人出街嘅节目，好似自助餐咁游走于各式档口小贩，充满欢笑热情。时移世易，地区食肆被评为卫生欠佳，或者难得大雅之堂，随住重建发展，所有屋邨都被一式一样连锁店进驻，整齐清洁但刻板乏味。难怪近年兴起集体回忆，缅怀旧日生气勃勃嘅香港。 牛头角下邨拆卸重建，附近商场以牛下怀旧主题打造商场，除咗有小店外，更组成怀旧小食FOOD COURT，名为得米小食档，当中有各式小店，主要售卖街头小食，重拾旧日牛下风釆。 五香牛杂(细)$20牛杂用旧式明炉一路煮一路卖，离远都闻到八角等香料味，突然间好肚饿，牛杂除咗汤底够味，亦炆得够时间入晒味，腍滑有嚼口，直头系以前牛下牛杂面嘅味道，将小小一碗历史同回忆，食落肚记入心，意犹未尽，再试另一样「卖飞佛」 肠粉$10/4条最简单嘅街头小食，好味与否，视乎一点点细节。先用一小匙猪油均匀搽满腊纸，一定要系猪油，先会有独一无二嘅油香，再准备稀释嘅麻酱、豉油同大量芝麻洒上面，我喜欢加埋甜
天公要落雨，香港要发展，社会进步，破旧立新无可厚非。从前无咁多大型商场同连锁食肆，街头巷尾各式食品百花齐放，饱肚之余亦系儿时最期待跟大人出街嘅节目，好似自助餐咁游走于各式档口小贩，充满欢笑热情。时移世易，地区食肆被评为卫生欠佳，或者难得大雅之堂，随住重建发展，所有屋邨都被一式一样连锁店进驻，整齐清洁但刻板乏味。难怪近年兴起集体回忆，缅怀旧日生气勃勃嘅香港。
牛头角下邨拆卸重建，附近商场以牛下怀旧主题打造商场，除咗有小店外，更组成怀旧小食FOOD COURT，名为得米小食档，当中有各式小店，主要售卖街头小食，重拾旧日牛下风釆。
五香牛杂(细)$20
牛杂用旧式明炉一路煮一路卖，离远都闻到八角等香料味，突然间好肚饿，牛杂除咗汤底够味，亦炆得够时间入晒味，腍滑有嚼口，直头系以前牛下牛杂面嘅味道，将小小一碗历史同回忆，食落肚记入心，意犹未尽，再试另一样「卖飞佛」
肠粉$10/4条
最简单嘅街头小食，好味与否，视乎一点点细节。先用一小匙猪油均匀搽满腊纸，一定要系猪油，先会有独一无二嘅油香，再准备稀释嘅麻酱、豉油同大量芝麻洒上面，我喜欢加埋甜酱，试第一件，就知跟足上述旧式做法，淡口无味嘅肠粉系媒介，揉合酱料配料成为整体，入口甜咸芝麻香一齐爆发，就系肠粉令人梦萦魂牵嘅魔力。档口排满各式调味料，可以任意自行添加，保留昔日街头传统。
乐见商人将食肆加人本土原素，社区除咗要更新，亦不应忽略保留特色，食嘢除咗要好味，亦好应该保留人情味。
张贴
