炙・宴 (形點 I)

营业中

休息中

又系煮到好攰谂唔到煮咩叫外卖嘅日子。老公去咗呢间到买，又估唔到㖞，商场日式餐厅，吉野家咁嘅价钱咋，仲送埋沙律同面豉汤，成个定食都系六十几至百几有交易，呢个疫情真系搞到民不聊生（下删一千字）佢哋有个外卖餐牌，同埋本身堂食嘅menu，两个menu其实都一样可以叫外卖，堂食嘅menu仲另外有85折，计落差唔多，所以唔好比外卖个餐牌牵引著你想食咩（笑）Aburi 最出名系佢哋嘅猪，我都好想试，但老公就唔知点解买咗鳗鱼饭同三文鱼亲子饭，哈哈，好啦，我都钟意食嘅，唔怪佢啦。沙律菜keep到爽脆嘅，外卖食到新鲜嘅沙律菜都几惊喜。蒲烧鳗鱼好食，唔腥，半条咁上下份量，我觉得都OK对得住个价位。日本米一粒粒咁，好好味！火炙三文鱼亲子，三文鱼个皮系火炙过，肉就冇乜烧过，可以满足你想有小小炭烧味但又有食鱼生嘅口感。呢个都ok嘅，但系外卖到返屋企，鱼生痴住咗所以夹起𠮶阵少少散，当然系冇咗堂食𠮶种新鲜感。可能好快就有返堂食，又或者真系要全世界有健康码先可以堂食都未定，但如果未来有机会嘅话，我会试下堂食呢间Aburi EN，总括而言都几高质。