薄荷葉泰國菜

营业中

休息中

餐厅主打泰国菜，有室内外位置，夜晚灯光装饰非常吸睛，墙身亦挂住泰国饰物，好有异国风情feel。餐牌上更有特别推荐既菜式，比较少系其他泰菜餐厅见到，例如班兰咖哩，苏梅鸭等。叫左咖喱蟹(时价$388)，特色菠萝饭($128)，班兰咖哩猪肉($118)，沙嗲(半打$108)，薄饼($55)。原只大蟹新鲜啖啖肉，好肥美，而且吸哂d咖哩酱汁。咖哩煮蔬菜，有灯笼椒，洋葱等配料，一大盘好震撼。尼款咖哩唔辣，岩哂唔食得辣既朋友。炒饭以木桶盛载，配料有2只大虾，鱿鱼，菠萝，大量肉松，腰果，提子干，三色豆等，非常足料。每啖都食到配料。而且饭粒分明，热辣辣上枱，桶底好深，分到约6个人既份量。尼款班兰咖哩有阵阵香味，比起咖哩蟹既咖哩，班兰款会甜d。猪肉煮到软身，咖哩渗入猪肉，亦都有好多蔬菜配料烹调，猪肉超码有10几块，足料。食咖哩一定要叫薄饼，配咖哩食一流。一共有4片，薄饼既酥皮好脆，一咬就好多酥皮碎跌出黎，而且厚厚地，唔怕醮完酱汁会滴出黎。沙嗲鸡肉串睇得又食得，插住系玻璃杯入面，旁边既香料，可以系食之前，拔少少洒系鸡肉上面，再加沙嗲酱，果然更惹味，沙嗲酱香浓。而且鸡肉烧完唔干身，肉嫩，而且每件鸡肉既size