生活·咖啡·館 (已結業)

身为住咗青衣廿年嘅90后，见证住翠怡花园广场嘅变迁。前果几年多左大集团食店进驻，去到边度食嘅野都系一样。今次终于见到惊喜。餐前嘅面包系自家制，真系几好味；X心果啲空心包真系无得比。意粉好足黑松露味，几浓味且开胃，两个字：好食。好多mushroom，正；系啲露荀细条左啲⋯⋯对一个女仔嚟讲，意粉嘅份量真系较多。可能仲有餐汤，会好顶胃。价钱虽贵，但胜在大件夹抵食。（我见隔离枱叫左只鸡食，畀我食一定唔够食。）到甜品，个mousse(?)又做得几好食，够实净唔会成pat水咁，隔离粒blueberry好fresh，好似啱啱摘落嚟咁。翠怡有间咁有心机煮野食咁好味嘅餐厅真系好少见。佢晚市都要收加一，系同区算系贵，希望佢做得住。