Fish & Chick (高街) (已結業)

呢间啲炸鱼同烤鸡食过几次都觉得好高质，之前拣嘅炸鱼都系啲肉质偏嫩滑嘅，而今次拣呢个石头鱼就唔属于滑溜系，而系肉质偏细腻带点咬口又唔会韧同实，鱼味重而鲜✨ 另外加咗个青豆蓉，实物呈鲜绿色有啲怪，不过又几好味，比起佢系三色豆咁食好味好多同容易接受啲😂.烤鸡就唔使讲，一贯水准嫩滑非常，味道同肉质都好平均，唔会话有啲位特别淡味或者特别嚡口，另外今次配薯蓉，原来都几饱肚，质感扎实😌.今餐惊喜位系呢个白酒煮蚬，谂住叫多个小食又唔想食炸嘢先拣佢，食落先知原来咁正，白酒汁非常香口，而珍珠蚬粒粒都胀卜卜，感觉晶莹剔透，咬落去会咇汁鲜味超浓✨ 呢个真系必点😍