砂煲兄弟 (東港城) (已結業)

新开嘅砂煲兄弟。第一次去食。坐得舒服。装修都几有feel。叫得砂煲兄弟。同朋友就拣左三个煲。试哂唔同煲。。而个马来沙嗲火焰牛仔骨系餐厅推介菜。果然无介绍错。牛仔骨非常入味又惹味，啲配菜捞埋个汁又新鲜又甜。送饭一流。可惜份量比较少。对两个人黎讲只系刚刚好。叫左蒜香海龙皇煲仔饭。依个饭等得最耐先上枱。应该系有认真煲过。真系热辣辣同有香脆嘅饭焦。四款蒜香海鲜分别有鱼。虾。青口鱿鱼。一样好味。仲有清清地叫左竹笙杞子浸时菜煲。依个煲份量又多祸。好多白菜。新鲜清甜。仲有竹笙同杂菇。用煲上又热辣辣。个汤都好味饮左几啖。食完依个感觉自己健康左。食完重口味。就叫两杯野饮。龙凤柠乐。爽呀。另一杯系蜂蜜荔枝爽。坚系用蜜糖冲。而且蜜糖味十足。杯野就揾唔到有咩爽嘅配料。但啲荔枝肉都几多。