魚鈁 (汝州街) (已結業)

今次嚟到深水埗鱼钫，地点都算方便易揾，就正正喺西九龙中心对面。呢度最出名叫煲，两个人就试试三样嘢啦。第一样，一定系必叫嘅，麻辣鱼春鱼卜煲，听到都觉得好味，鱼卜好新鲜，有咬口，大大旧。鱼春应该煎香过，食落去咸咸香香，好惹味。虽然见到成煲嘢红卜卜，但实际唔算好辣，香多于辣嘅。第二样叫咗鸡杂煲，内脏嘢真系好难唔好食，料头爆香，再加上鸡肾、鸡膶，配上热辣辣嘅煲，未食已经好香，唔错。最后到鸭舌，味道唔算突出，不过胜在大大只，送酒一流。环境方面，唔算好干净，地面同台都油油地，可以接受嘅程度。