大家食

营业中

休息中

煲仔饭，煲仔菜听得多同食得多。今日同朋友去深水埗黄金广场买电脑配件后，就打算系附近食晚饭，由于下午食得比较丰富，所以想简单食粉面就算。行到这间舖外，见到这里介绍他独特嘅所谓嘅村村住家窝面煲，所以就去光顾一下。叫了一个叫做村村住家窝面，里面有洋葱，青椒，海带，这是窝面嘅基本配料，另外自选就有好多选择，我就叫咗个牛腩萝卜。那个盛器好似一个沙窝，非常特别，真系好似系屋企食饭咁随便。个汤底浓而不咸，一啲都唔觉有味精，牛腩好淋滑，再加杯豆浆都系几拾蚊咋，抵食！另外朋友叫咗个麻辣鸡丝手拉捞面，我取了一些来试味，发觉手拉面好有𡁻口，鸡丝嫩滑，青瓜丝嘅清新中和面中嘅麻辣味！朋友另外加多一碟香酥鸡翼，味道不错，不过有啲炸过火，干咗啲。两个人食得饱饱都系一百蚊，好抵食。最后值得一赞系果度啲伙记，非常好礼貎。