祥囍煲仔小廚

营业中

休息中

秋风起，食腊味。虽然作为年轻新一代，但对于呢个怀旧嘅传统，系天气开始凉凉地时不期然会想起。今次同男朋友去到筲箕湾煲仔饭名店 - 祥囍煲仔小厨试试佢。说来惭愧，作为一个东区人，呢间排队旺店我竟然系出发前30分钟先知道。地点极度不起眼。如果不幸地无订位，就要系后巷度开餐，成件事其实几有佬味，但如果有洁癖嘅朋友，就强烈唔建议你地去喇。腊味虾干煲仔饭 $92，价钱相当怡人，而且饭同配料基本系1:1嘅配搭，一打开盖已经见到满满虾干、腊肠、润肠同冬菇。除左煲仔饭之外，另一个必食就系椒盐墨鱼饼$98，呢个真系意外惊喜。墨鱼饼做得非常厚身，咬落去完全系啖啖肉，仲会食到粒粒墨鱼碎，非常弹牙。饮啖啤酒，再食一口墨鱼饼，成件事好夹呢。唯一不足，面头洒左d椒盐，即使重口味如我，但依然咸到我要拨开所有椒盐粉先食得落口。啫啫生菜煲 $75 可以话系呢餐饭嘅败笔。叫啫啫生菜煲而唔系蒜蓉炒生菜，就系想生得香口同干身d，点知完全大失所望。败笔有三。第一，生菜已经煮到极软身，完全唔爽口；第二，煲底全部都系水，好唔干身；第三，生菜煲竟然有椒盐味道………….. 结论，下次只系叫煲仔饭同墨鱼饼就足够。