龍德樓 (已結業)

今日同朋友走咗去胜利道𠮶头去睇宠物， 近睇完宠物买完粮食， 见有啲肚饿咁就走咗去附近间餐厅到食，见到有间龙德楼有啲 煲仔饭，咁就入咗去试下。 我哋叫咗以下:是日炖汤： 五指毛桃炖鸡和菜胆杏汁炖白肺汤， 咁其实两个汤我觉得佢都落足料， 但系如果讲到好饮嘅话我会建议大家试下佢个菜胆杏汁炖白肺汤， 原因好简单因为佢呢个汤个杏汁味道较重，而且好似饮紧杏仁茶咁样， 本人钟意杏仁类嘅食品，所以我会觉得呢个比较好饮啲， 而另外个款汤我觉得佢唔系差，但系就浓味咗少少。 适合一啲钟意饮浓味汤嘅人。腊味煲仔饭: 呢个腊味煲仔饭 我觉得系佢哋点铺嘅主打菜而大家可以参考我幅图其实腊肠润肠同腊鸭 都几好味， 腊肠就比较多油所以我就钟意食润肠多啲， 但点都好佢呢三样嘢都唔算话太咸 ，因为试过其他舖头腊鸭都系偏咸，呢间嘅腊鸭味道适中，适合啲好似我咁样唔钟意食太咸嘅人， 然后呢个饭亦都有个健康位就系佢唔黐底， 虽然我知道冇咗饭焦食，但系为咗健康我都可以嘅。 佢呢个饭偏向干身同香口，而且亦都唔算话有太多油，所以我觉得都几好食。咸鱼肉饼饭： 呢个咸鱼肉饼饭，我觉得个肉饼个口感唔错，味道亦都可以，而且咸鱼嘅咸味唔会话真系太