好好茶餐廳 (已結業)

开始凉喇~ 除了打边炉, 亦系食煲仔饭的好时候!我中意食呢间既鱼香茄子煲仔饭, 同埋炸菜肉片煲仔饭!一来平时系出面好少食到, 二来都抵食!今晚虽然系星期一平日, 但依然劲多人!我地六个迫系一张细圆枱, 超辛苦唯有拿拿临食完再揾地方倾计...今日叫左必食的鱼香茄子煲仔饭, 鳯爪排骨煲仔饭, 唔记得咩咩蒸肉饼煲仔饭, 仲有海南鸡饭.(由于男人占多数, 所以全部都系饭)我第一次系呢度食海南鸡饭, 先上左碗汤, 一饮... 味精野, 拒绝!个海南鸡用个碗上, D 姜蓉舖系D鸡上面, 心谂: 好HEA㖞!D鸡都OK, 不太肥, 但味道似白切鸡多D, 唔正宗.个油饭都一般.跟住主角煲仔饭到!系呢间食煲仔饭, D侍应好中意一上枱就拎走个盖!我通常都会叫佢唔好拎走, 留返个盖系度! 大佬, 食煲仔饭一定要上枱, 加豉油, 冚盖焗多阵, 拎走个盖做咩?凤爪排骨 & 鱼香茄子饭系无得输的, 一定唔会差得去边.个肉饼饭我就唔太中意, D肉饼 "淋滋滋" , 感觉好核突不过, 食煲仔饭最开心系食饭焦, 呢三煲都有好多饭焦, 有四份一都系黑麻麻太焦唔食得, 但其余都系非常完美! 正!今晚食饭的朋友们第一次食呢间