四季煲仔飯

营业中

休息中

四季煲仔饭系油麻地相当出名，唔少人都慕名而来。特别系最旺既7-8点呢段食饭时间宁舍多人，次次行过都大排长龙，今次就睇下佢系咪真系咁好食﹗咁我地两个人就叫左1个蚝饼同1个牛肉煲仔饭。1.蚝饼：中规中矩，香软松脆，但唔算多蚝，而且蚝仔比较细只。2.煲仔饭：黎到煲仔饭真系充满期待，不过一打开见到得几块牛又真系有D失望，呢个价钱都唔算好抵食，大埔陈汉记好似再好食D（以前食过所以有比较）。我地淋完豉油，就关盖焗多阵，咁一捞，发觉饭仲有几湿，好似冇煮得好好咁，而且亦唔见有饭焦，食落唔算好入味。似牛肉同豉油捞饭多D，确实令人有D失望，唔觉自已真系食紧一间出名既煲仔饭。环境方面就当然唔系话坐得舒服，而且亦都较旧，不过环境都算大。