影片
更多
2007-03-15
15 浏览
之前系呢度睇食评好似好差咁,但系试过后完全不同!相信餐牌已经改左，煲仔饭都系三十几蚊煲,多人可以叫大煲,都系五十几蚊,可照顾不同需要! 叫了个推介海参滑鸡煲仔饭(加润肠)及腊味糯米饭,等左20分钟左右,同出面食煲仔饭既时间差不多,饭一到,见到用个紫砂煲仔上,好靓又特别,同平时食开既煲仔饭不同,D海参细细条,但好有口感,鸡够入味,而且D饭粒粒分明,仲有少少饭焦,唔似平时出面见到㶶晒底既饭焦,仲有至爱既润肠配合埋D饭一切食,真系好掂呀!!跟住试个腊味糯米饭,超正呀..可能本人喜欢食糯米饭,虽然系好普通既野,但系要整得好食真系唔系个个得,连糯米饭都可以睇到一粒粒,D糯米饭唔会黏埋一旧,腊味亦足料,不会剩系见到饭唔见到料!水准之作,莫非真系同个紫砂煲煮出黎有关???同朋友2个叫左每人一碗老火汤,虽然贵左少少($18/碗),但系份量都几多,而且够晒火喉又足料,饮完都唔觉喉干,好似阿妈既住家靓汤咁....食完仲有糖水送,个日既糖水系南瓜西米露,虽然系送,但系交足功课!另外有其他小菜选择...一定会再去,试多几款!不过略嫌D櫈太大,唔系太好坐!值得大家一试!2个人埋单都系百零蚊,抵食!!!
相信餐牌已经改左，煲仔饭都系三十几蚊煲,多人可以叫大煲,都系五十几蚊,可照顾不同需要! 叫了个推介海参滑鸡煲仔饭(加润肠)及腊味糯米饭,等左20分钟左右,同出面食煲仔饭既时间差不多,饭一到,见到用个紫砂煲仔上,好靓又特别,同平时食开既煲仔饭不同,D海参细细条,但好有口感,鸡够入味,而且D饭粒粒分明,仲有少少饭焦,唔似平时出面见到㶶晒底既饭焦,仲有至爱既润肠配合埋D饭一切食,真系好掂呀!!
跟住试个腊味糯米饭,超正呀..可能本人喜欢食糯米饭,虽然系好普通既野,但系要整得好食真系唔系个个得,连糯米饭都可以睇到一粒粒,D糯米饭唔会黏埋一旧,腊味亦足料,不会剩系见到饭唔见到料!水准之作,莫非真系同个紫砂煲煮出黎有关???
同朋友2个叫左每人一碗老火汤,虽然贵左少少($18/碗),但系份量都几多,而且够晒火喉又足料,饮完都唔觉喉干,好似阿妈既住家靓汤咁....食完仲有糖水送,个日既糖水系南瓜西米露,虽然系送,但系交足功课!
另外有其他小菜选择...一定会再去,试多几款!
不过略嫌D櫈太大,唔系太好坐!
值得大家一试!2个人埋单都系百零蚊,抵食!!!
张贴