大快活

营业中

休息中

今日天寒地冻谂住夜晚打边炉，点知去到街市连乌冬都卖断货，咁就索性乜都唔贵煮，去附近间大快活直接食晚饭算。去到嘅时候真系好鬼多人，最后𠮶两个空位都已经畀我坐咗，周围都有人企喺度等位。我哋嗌咗个2人晚餐，包一个煲仔饭同一个小菜套餐，另外加咗罗宋汤同猪仔包。夹埋100蚊左右。花旗参汤唔够鸡味，净系饮到少少花旗参嘅苦味。我个人钟意饮罗宋汤多啲，里面嘅菜嘅份量都十足。猪仔包就摆到硬晒，一啲温度都冇，净系觉得个皮有少少脆。小菜嗌咗椒盐肉排饭，味道一般，微辣，分量中庭。 配菜嘅薯仔粒好干，畀咗好多炸蒜但系根本入唔到味。煲仔饭嗌咗腊肠排骨，但系等咗三十分钟都未出餐，原来系佢哋出飞𠮶度有问题，小菜𠮶个食完，煲仔饭都未到，又饿又冻真系好辛苦。 不过个煲仔饭好食嘅，好钟意食佢啲饭焦，㶶度啱啱好，腊肠香味又十足，出餐𠮶阵仲冒紧烟，食到个人都暖番晒。